வயணப்பெருமாள்

பெரியசாமி

கடவுள் மேல் காதல்

பூஜை பெட்டி

கேள்வி: 

நமது கோவில் வழிபாட்டு முறையில் பூஜை பெட்டி வைத்து வணங்கும் பழக்கம் உள்ளதா?

 பதில்:

நமது கோவில் வழக்கத்தில் இல்லை.  பெட்டியில் சாமி வைத்து வணங்கும் பழக்கம் எப்படி வந்தது தெரியுமா?

 அந்தக் காலத்தில் வசதி படைத்த மன்னர்கள் கோவில் கட்டி கொண்டார்கள். அரண்மனைக்குள்ளும் கோவில் வைத்துக் கொள்வார்கள்.

 ஊர்க்காரர்கள், பணக்காரர்கள் சேர்ந்து ஊருக்கு பொதுவான இடத்தில் கோவில் கட்டுவார்கள். இந்த கோவில்கள் பிடிமன் கோவிலாகவோ அல்லது சிலை வைத்து வணங்கும் கோவிலாக இருக்கும்,

 போக்குவரத்து குறைவான காலத்தில் வசதி குறைவானவர்கள் குலதெய்வ கோவில்களுக்கு எப்பவாவது ஒரு முறை சென்று வருபவர்கள் கோவிலில் உள்ள சாமியின் மீது அணிவிக்கப்பட்ட ஆடை அல்லது அங்கு வைத்து பூஜை செய்யப்பட்ட பொருள் ஒன்று கொண்டு வந்து ஒரு பெட்டிக்குள் பத்திரமாக வைத்து அவர்களது தெய்வத்தை வணங்கி வருவார்கள்.

 பெட்டிகள் வைத்து வணங்குவதற்கு மற்றொரு காரணமும் இருந்தது, அவர்கள் வணங்கி வரும் பொருட்கள் அதாவது சாமியின் அடையாளங்கள் பாதுகாப்பாகவும் இருக்கும், மேலும் தீட்டு படாமலும் இருக்கும்,

 அந்த காலத்தில் பலரும் சிறிய வீடுகளில் இருந்ததால்,  அவர்களின் இந்த  நம்பிக்கையின் அடிப்படையில் பெண்கள் மாதவிடாய் காலம் போன்ற நேரங்களிலும், இறந்தவர்கள் வீட்டு சென்று வந்த போதும் தீட்டுப்படும் என்ற நம்பிக்கையும் இருந்ததால் அந்த தெய்வங்களுக்கு தனி பூஜை அறை வசதி வீடுகளில் இல்லாததால் பெட்டிகள் வைத்து தனிமைப்படுத்தி வைத்தார்கள்,  இப்படியாகத்தான் பூஜை பெட்டி வைத்து வணங்கும் பழக்கம் பல நெடுங்காலமாக இருந்து வந்துள்ளது.  ஆனால் தற்போது புதிதாக செய்ய வேண்டிய அவசியம் இல்லை. பழங்காலத்தில் இருந்து தொன்று தொட்டு செய்து கொண்டிருந்தால் தொடர்ந்து செய்யலாம் தவறு ஏதும் இல்லை.

வலியில்லா வாழ்வு

வலியில்லா வாழ்வு வேண்டும்,

துன்பங்கள் தீர்ந்து, இன்பங்கள் பெருகிட வேண்டும்.

கண்ணீரும் கவலையும் விலகிட வேண்டும்,

மகிழ்ச்சி மட்டுமே என் துணையாய் வர வேண்டும்.

ஒவ்வொரு நாளும் நிறைவாய் அமைய வேண்டும்.

அமைதியான மனமும், ஆரோக்கியமான உடலும் மகிழ்ச்சியான வாழ்வும் தந்தருள்வாய் நீயே.

உன் கருணையால் உலகம் செழிக்கட்டும்,

என்றும் உன் பாதத்தில் சரணடைகிறேன் ஆத்தியப்பன் S

பெரிய சாமியின் தோழனே

குண்டலினி

 பொருள்:   

"கீழிருந்து மேல் நோக்கி கிளம்பும் நாகம் கண்டீரோ?" 

 குண்டலினி சக்தி மூலாதாரத்தில் இருந்து மேல் எழுப்பப்படுவதைக் குறிக்கிறது.

 "காலமதில் மூச்சடக்கி கபாலம் நோக்கினீரோ!" 

 பிராணாயாமத்தின் முக்கியத்துவத்தையும், சகஸ்ராரத்தை நோக்கிய பயணத்தையும் குறிக்கிறது.

   

"ஞாலமதில் ஞானம் கண்டு நாமும் வாழ கண்டீரோ?" 

 குண்டலினி சக்தி விழித்தெழும் போது கிடைக்கும் ஞானம் மற்றும் அதன் மூலம் ஏற்படும் வாழ்வியல் மாற்றத்தைக் குறிக்கிறது.

"வாலையவள் கூத்தாட மாளாத இன்பம் கண்டீரோ?" 

வாலை என்பது குண்டலினி சக்தியின் மற்றொரு பெயர். அது விழித்தெழும் போது ஏற்படும் ஆனந்த அனுபவத்தைக் குறிக்கிறது.

  "உருவமதில் உறைந்திருக்கும் உயிர்வாயு அறிந்தீரோ?"

 

பிராண சக்தியைப் பற்றிய புரிதல்.

  "கருவமதில் கலந்திருக்கும் கர்மவினை களைந்தீரோ?" 

 குண்டலினி யோகம் கர்ம வினைகளைக் கரைக்கும் சக்தியைக் குறிக்கிறது.

 

"திருவமதில் சேர்த்திடும் சிவசக்தி உணர்ந்தீரோ?" 

குண்டலினி சக்தியானது சிவசக்தியுடன் இணையும் அனுபவத்தைக் குறிக்கிறது.

 "குரு பெரியசாமி மொழியில் தெளிந்தீரோ குண்டலினி ரகசியம்?" 

 குருவின் துணையுடன் குண்டலினி ரகசியத்தைப் புரிந்துகொள்வதைக் குறிக்கிறது.

குலதெய்வம் தெரியவில்லையா...

தங்களுக்கு குலதெய்வம் எது என்று தெரியவில்லையா கலக்கம் வேண்டாம்.

ஐந்து வீட்டு சுவாமிகளை குலதெய்வமாக ஏற்றுக் கொள்வது மிகவும் சிறப்பான ஒன்று.

தமிழ்நாட்டில் பல குடும்பங்களுக்கும், பல ஜாதியினர்களுக்கும் இதுவே பாரம்பரிய குலதெய்வமாக இருக்கிறது.

ஐந்து வீட்டு சுவாமிகள் கோயில் தூத்துக்குடி மாவட்டம் உடன்குடிக்கு அருகில் உள்ள செட்டியாபத்து என்ற கிராமத்தில் அமைந்துள்ளது. இது ஒரு பிரசித்தி பெற்ற கோயில்.

இந்தக் கோயிலில் ஒரே வளாகத்தினுள் ஆறு முக்கிய தெய்வங்களும், ஐந்து சன்னிதிகளும் அமைந்துள்ளன. இந்த ஐந்து சன்னிதிகள் அமைந்துள்ளதால் "ஐந்து வீட்டு சுவாமிகள்" என்று அழைக்கப்படுகிறது.

 இங்கு வீற்றிருக்கும் முக்கிய தெய்வங்கள்:

பெரியசாமி( சங்கு சக்கரம் ஏந்திய நாராயணன்),

பெரியபிராட்டி அம்மன் (மீனாட்சி அம்மன் வடிவம் என்றும் கருதப்படுகிறது),

வயனப்பெருமாள், மற்றும் அனந்தம்மாள்,

ஆத்தி சுவாமி,

திருபுளி ஆழ்வார்,

ஆஞ்சநேயர் (பெரியசாமி சன்னிதிக்கு எதிரே இருக்கிறார்)

இந்தக் கோயிலின் ஒரு சிறப்பு என்னவென்றால், ஜாதி, மத வேறுபாடின்றி அனைவரும் மூலஸ்தானம் வரை சென்று சுவாமியைத் தொட்டு தரிசனம் செய்யலாம்.

ஏன் ஐந்து வீட்டு சுவாமிகளை குலதெய்வமாக ஏற்க வேண்டும்?

பழமையான மற்றும் மிகவும் சக்தி வாய்ந்த கோயில். இது பல நூற்றாண்டுகள் பழமையான கோயில். இங்கு வழிபடுவோருக்கு பலவிதமான நன்மைகள் நிகழ்கிறது.

 குழந்தைப்பேறு, நோய்கள் தீருதல், மன அமைதி போன்ற பல பிரார்த்தனைகள் இங்கு நிறைவேறுகின்றன. 

பல குடும்பங்களுக்கு இது பரம்பரை குலதெய்வமாகவே இருந்து வருகிறது.

 உங்கள் குடும்பத்தில் குலதெய்வம் எது என்று தெரியாத நிலையில், உங்கள் முன்னோர்கள் வாழ்ந்த பகுதியை ஆராயும்போது, இந்தக் கோயிலின் தொடர்பு இருந்தால், இது உங்கள் குலதெய்வமாக இருப்பதற்கான வாய்ப்பு அதிகம்.

 

குலதெய்வம் தெரியாதவர்கள், பரவலாக வணங்கப்படும் சக்தி வாய்ந்த தெய்வங்களை தங்கள் குலதெய்வமாக ஏற்று வழிபடுவது உண்டு. அந்த வகையில் பார்த்தால் ஐந்து வீட்டு சுவாமிகள் ஒரு நல்ல தேர்வாக இருக்கும். ஆண்டுகள் தோறும் சித்திரை மாதம், தை மாதம் திருவிழா நடைபெற்று வருகிறது, மேலும் அமாவாசை பௌர்ணமி தினங்களிலும், ஒவ்வொரு தமிழ் மாசம் கடைசி வெள்ளியன்று அதாவது மாதாந்திர வெள்ளியன்று  சிறப்பு பூஜை நடைபெற்று வருகிறது. தினசரி மூன்று வேளை பூஜையும், மதியம் அன்னதானமும் நடைபெற்று வருகிறது.

 இங்கு வழங்கப்படும் "அன்னமுத்திரி" பிரசாதம் மிகவும் சிறப்பு வாய்ந்தது. பக்தர்கள் தங்களின் வேண்டுதல்கள் நிறைவேறியதும் ஆடு, கோழி, பன்றி போன்றவற்றை பலியிட்டு படையல் இடுவது வழக்கம்.

எவ்வாறு குலதெய்வமாக ஏற்றுக்கொள்வது?

குலதெய்வம் யார் என்று உங்களுக்குத் தெரியாத நிலையில், ஐந்து வீட்டு சுவாமிகளை உங்கள் குலதெய்வமாக ஏற்க விரும்பினால், நீங்கள் முழு மனதுடன் இந்த தெய்வத்தை உங்கள் குடும்பத்தின் காவல் தெய்வமாக ஏற்றுக்கொண்டு வழிபடத் தொடங்கலாம்.

முடிந்தால், செட்டியாபத்து ஐந்து வீட்டு சுவாமிகள் கோயிலுக்கு நேரில் சென்று தரிசனம் செய்யலாம். அங்கு உங்கள் கோரிக்கையை வைத்து, "இன்று முதல் எங்கள் குடும்பத்தின் குலதெய்வம் ஐந்து வீட்டு சுவாமிகளே" என்று மனமுருகி வேண்டலாம்.

 நேரில் செல்ல இயலாவிட்டால், வீட்டில் ஐந்து வீட்டு சுவாமிகளின் படத்தை ஒரு இடத்தில் வைத்து ஐந்து வீட்டு சுவாமிகளை மனதில் நினைத்து வழிபடத் தொடங்கலாம்.

மனமுருகிப் பிரார்த்திக்கலாம்.

குலதெய்வ வழிபாடு என்பது ஒருவரின் குடும்ப அமைதி, சுபிட்சம் மற்றும் பாதுகாப்புக்கு மிகவும் முக்கியமானது என்று நம்பப்படுகிறது.

 ஐந்து வீட்டு சுவாமிகளை உங்கள் குலதெய்வமாக ஏற்பது உங்கள் குடும்பத்திற்கும், குலத்திற்கும் மிகவும் நன்மை பயக்கும். "ஹரி ஓம் ராமானுஜாய" "அடியேன் தாசன்"

 அன்புடன் ஆத்தியப்பன் S

ஆத்திகோயில்: மந்திரவாதியும் மகான் பெரியசுவாமிகளும்!

முன்னொரு காலத்தில், இன்றைய ஆத்திகோயில் எனும் புண்ணிய ஸ்தலம், ஆதிகோயில் எனப் பழைய பெயருடன் சிறப்புற்று விளங்கியது. கேரள தேசத்திலிருந்து வந்த ஒரு மந்திரவாதி, தினமும் ஆகாய மார்க்கமாக வந்து, அக்கோயிலில் பூஜை செய்வதை வழக்கமாகக் கொண்டிருந்தான். அவனது அமானுஷ்ய சக்தியால், மற்ற எவரும் அறியாத வண்ணம் அவன் மாத்திரமே கோயிலுக்குள் பிரவேசித்துப் பூஜித்து வந்தான்.

ஒருநாள், தவவலிமை மிக்க பெரியசுவாமிகள் அக்கோயிலுக்கு விஜயம் செய்தார். பூட்டப்பட்டிருந்த கோயில் கதவுகளின் மேல் தனது திருக்கரத்தை வைத்ததும், கதவுகள் மந்திரம்போல் தானாகவே திறந்து கொண்டன. உள்ளே சென்ற சுவாமிகள், அமைதியாய் பூஜைகள் செய்து முடித்துவிட்டுத் திரும்பினார். அவர் வெளியேறியதும், கதவுகள் மீண்டும் தாமாகவே தாளிட்டுக் கொண்டன.

வழக்கம் போல பூஜை செய்ய வந்த மந்திரவாதி, கதவைத் திறந்து உள்ளே நுழைந்தான். சுவாமிக்கு முன்பே பூஜைகள் நடந்திருப்பதைக் கண்டதும் அவன் குழப்பமடைந்தான். "பூட்டிய கதவுகள் அப்படியே இருக்க, யார் உள்ளே வந்திருக்க முடியும்?" என வியந்து, கோயில் அருகில் தங்கியிருந்த பெரியசுவாமிகளிடம் சென்று, "இங்கு பூஜை செய்தது யார்?" எனக் கேட்டான். அதற்கு சுவாமிகள், தான் தான் என்பதை அமைதியாய் ஒப்புக்கொண்டார். மந்திரவாதிக்குக் கோபம் மேலிட, "இனிமேல் இந்த மாதிரி பூஜை செய்யக்கூடாது!" என மிரட்டிவிட்டுச் சென்றான்.

மறுநாள் பூஜை செய்ய வந்த மந்திரவாதி, முதல் நாள் போலவே கோயிலில் பூஜை நடந்திருப்பதைக் கண்டதும் கோபம் உச்சிக்கு ஏறியது. மீண்டும் சுவாமிகளிடம் சென்று, "நேற்றே நீ பூஜை செய்யக்கூடாது என்று கூறினேன். அப்படியிருந்தும் ஏன் பூஜை செய்தாய்?" எனக் கேட்டான். அதற்கு சுவாமிகள், "கோயில் திறந்து இருந்தது. நான் பூஜை செய்தேன். நீர் கோயிலை நன்றாகப் பூட்டிச் செல்லும்!" என அமைதியாகக் கூறினார்.

சுவாமிகளின் பதிலைக் கேட்டு மந்திரவாதி சற்று திகைத்தான். கோயிலுக்குச் சென்று கதவுகளை நன்றாகச் சாத்தி, வலுவாகப் பூட்டி சரிபார்த்துவிட்டுச் சென்றான். மறுநாள் அவன் வந்தபோது, கோயில் மீண்டும் திறந்திருப்பதையும், பூஜை நடந்திருப்பதையும் கண்டு கடும் கோபம் கொண்டான். சுவாமிகளிடம் சென்று, "நீ இந்த இடத்தை விட்டுச் சென்றுவிடு! இல்லாவிட்டால் நீ கடுமையான விளைவுகளைச் சந்திக்க வேண்டும்!" என்று வாக்குவாதம் செய்தான். அதற்கு சுவாமிகள், "நான் பூஜை செய்த முறைகள் தவறா? அல்லது திறந்திருந்த கோயிலில் பூஜை செய்தது தவறா? இதில் எதுவும் தவறில்லை. எனவே, எனக்கு எந்தத் தீங்கும் நேராது!" என்றார்.

இதைக் கேட்ட மந்திரவாதி கோபமுற்று, சுவாமிகளைப் பழிவாங்க வேண்டுமெனத் தீர்மானித்தான். தனது குருவிடம் நடந்ததைக் கூறி, சுவாமிகள் மீது ஏவல் பூஜை செய்து அவரைக் கொல்லுமாறு பூதம் ஒன்றைப் பணித்தான்.

சுவாமிகள் தன்னை கொல்ல வந்த பூதத்தைப் பார்த்து, "சாந்தி!" என சொல்லவும், அந்தப் பூதம் சுவாமிகளின் காலடியில் அமைதியாக மண்டியிட்டு அமர்ந்தது. சென்ற பூதம் திரும்பி வராததால், மந்திரவாதி மேலும் ஒரு கொடுமையான பூதத்தைப் பழிவாங்க அனுப்பி வைத்தான். அந்தப் பூதமும் சுவாமிகள் "சாந்தி!" எனச் சொல்ல அமைதியாகிவிட்டது.

அனுப்பிய பூதங்கள் செயலற்றுப் போனதால், மந்திரவாதி மிகுந்த கோபம் கொண்டு, யாராலும் வெல்ல முடியாத "ருத்ரபூதத்தை" அனுப்பி வைத்தான். ருத்ரபூதம் சுவாமிகளைக் கொல்ல, விண்ணுக்கும் மண்ணுக்கும் தீப்பிழம்பாய் கொடூரமாகச் சென்று சுவாமிகளை நெருங்கியது. சுவாமிகள் "சாந்தி!" என்றார். ஆனாலும், பூதம் அடங்கவில்லை; மேலும் தீவிரமாகியது. அதைக் கண்ட சுவாமிகள் பதறினார். உடனே, அன்னை மீனாட்சியம்மையை (பெரிய பிராட்டி) நினைத்து வணங்கினார்.

உடனே அவ்விடம் வந்த அன்னை, மிகவும் பலம் வாய்ந்த அந்தப் பூதத்தைப் பார்த்து "ஆற்றி இரு!" (அதாவது "ஆத்தி இரு" அல்லது ஆறுதலாக இரு) எனக் கட்டளையிட்டாள். பூதம் சற்று அமைதியானது. பூதத்தைப் பார்த்து அன்னை, "நீ வந்த காரணமென்ன?" என்று வினவினார். அதற்கு ருத்ரபூதம், அருகில் இருந்த சுவாமிகளைக் காட்டி, "இவரைக் கொன்று வர எனக்கு உத்தரவிடப்பட்டுள்ளது!" எனக் கூறி, "இவர் தங்களின் பக்தன் என எனக்குத் தெரியாது. தெரிந்திருந்தால் நான் வந்திருக்கவே மாட்டேன்!" எனக் கூறி மன்னிப்புக் கோரியது.

அன்னை கருணையுடன் பூதத்தை மன்னித்து, "நீ இங்கேயே கோயிலில் 'ஆத்தி இரு'. உனக்கு இரு வகை படையல் உண்டு!" என அருளினாள். ருத்ரபூதமும் அன்னையை வணங்கி அப்படியே ஏற்றுக்கொண்டு, "தான் இப்பொழுது எழும்பியதால் எப்படியும் நரபலி கொள்ளவேண்டும். அதற்கு நான் என்ன செய்ய வேண்டும்?" எனக் கேட்க, அன்னை "உன்னை அனுப்பியவனையே பலி கொள்ளுமாறு" சொன்னாள். ருத்ரபூதம் தன்னை அனுப்பிய மந்திரவாதியை நரபலி கொண்டு அமைதியாகியது. பின்னர், அன்னையிடம் கொடுத்த வாக்கின்படி இங்கு வந்து அமர்ந்தது.

அன்னையின் வாக்குப்படி, ஆத்திகோயிலில் மற்ற பணிவிடைகளோடு "மச்ச பணிவிடையும்" "கீரிச்சுட்டான்" பணிவிடையும் சேர்த்து இன்றளவும் கொடுக்கப்பட்டு வருகிறது. இத்தலம் அன்னை மீனாட்சியின் கருணையையும், பெரியசுவாமிகளின் தவவலிமையையும் போற்றும் புனிதத் தலமாக இன்றும் விளங்கி வருகிறது.

நன்றி சொல்ல

ஐந்து வீட்டு சுவாமி திருக்கோயில் பக்தர்களே நமது ஸ்தல வரலாற்றில் உள்ள
"அம்மாசி தானான அரூபத்தாயே" பாடலை இயற்றிய தவத்திரு குமராண்டி ஞானியார் சுவாமிகள் பற்றிய வெகுகாலமாக எனக்கு எந்த தகவலும் கிடைக்கவில்லை ஆனால் தற்பொழுது சில தகவல்கள் கிடைத்துள்ளன:

  இவர் நாஞ்சில் நாட்டில் உள்ள குலசேகரபுரம் (கன்னியாகுமரி மாவட்டம்) என்ற கிராமத்தில், மருந்துவாழ்மலை அடிவாரத்தில் பிறந்தவர் என்று ஒரு தகவல் தெரிவிக்கிறது.

  1852 ஆம் ஆண்டு ஆயில்ய நட்சத்திரத்தில் பிறந்தவர் என்றும், 1908 ஆம் ஆண்டு வைகாசி மாதம் திருவோண நட்சத்திரத்தில் ஜீவசமாதி அடைந்தார் என்றும் ஒரு கட்டுரை குறிப்பிடுகிறது.

  "உசரவினை" என்ற இடத்தைப் பற்றிய தகவல் ஒரு பொதுவான பட்டியலில் இருந்து வந்தது; "குலசேகரபுரம்" என்பது மிகவும் குறிப்பிட்ட தகவல்.

ஆரம்ப வாழ்க்கை
  இவர் தனது சகோதரி பிச்சையின் வீட்டில் வாழ்ந்து வந்ததாகவும், தினசரி மாடு கன்றுகளை மேய்ச்சலுக்காக மருந்து வாழ்மலைக்கு ஓட்டிச் செல்வது வழக்கமென்றும் கூறப்படுகிறது.

  ஒரு நாள், மலையில் இருந்த ஒரு சித்தர் ஒருவருக்கு தாகம் எடுக்க, குமராண்டி தண்ணீர் இல்லாததால் ஒரு பசுவிலிருந்து பாலைக் கறந்து கொடுத்துள்ளார்.
  இதில் மனம் மகிழ்ந்த சித்தர், குமராண்டியின் நாவில் ஏதோ எழுதிச் சென்றதாகவும், அன்று முதல் படிப்பறிவு இல்லாத குமராண்டி புத்திசாலியாக மாறி, தீவிர  பக்தனாக மாறினார் என்றும் கூறப்படுகிறது.
  நாவன்மை மிக்கவராக மாறிய குமராண்டி, பிரம்மச்சரியம் காத்து, ஞானியார் பட்டம் பசுவாமிகள
  பல தீர்த்த யாத்திரைகள் மேற்கொண்டார்.
திருவிதாங்கூர் ராணியின் நோயை நீக்கியதால், அரச குடும்பம் சார்பில் தங்கத்தால் வேயப்பட்ட ருத்ராட்ச மாலை அவருக்கு வழங்கப்பட்டது. இந்த மாலை இன்றும் அவரது குருபூஜை அன்று சிவலிங்கத்திற்கு அணிவிக்கப்படுவதாகக் கூறப்படுகிறது.
எட்டயாபுரம் அரச பரம்பரையுடனும் ஞானியார் நெருங்கிய தொடர்பில் இருந்துள்ளார்.
அவர் ஜீவசமாதி அடைந்த இடத்தில் ஒரு சிவன் கோயில் கட்டப்பட்டது. அவர் சமாதியான இடத்தில் புற்று வளர்ந்து, அதன் அருகே வில்வச் செடியும் வளர்ந்ததாம். புற்றை அகற்றும் போது, சிறிய அளவிலான சிவலிங்கம் கண்டெடுக்கப்பட்டதால், அங்கே சிவன் கோயில் கட்டப்பட்டது.
இந்தக் கோயிலில் ஆண்டுதோறும் வைகாசி மாதம் விசாகத்திற்குப் பிறகு வரும் திருவோண நட்சத்திரத்தன்று குருபூஜை கொண்டாடப்படுகிறது.
  
அளவு குறையாத பதநீர் அதிசயம்: குமராண்டி ஞானியார் ஆண்டுதோறும் வைகாசி விசாகத்திற்கு திருச்செந்தூருக்கும், இதர வெள்ளிக் கிழமைகளில் மருங்கூர் முருகன் கோயிலுக்கும் செல்வது வழக்கமாம். ஒருமுறை சாத்தான்குளம் புதுக்குளம் அருகே பதநீர் கேட்டுள்ளார். குறைவான அளவே இருந்த பதநீரை இறக்கியவர் கொடுத்தபோது, பதநீர் குடிக்கக் குடிக்க அளவு குறையவே இல்லை. தற்போது அந்த இடம் "ஞானியார்குடியிருப்பு" என அழைக்கப்படுவதாகவும், ஈத்தாமொழி அருகே "குமராண்டி தருவை" என்ற ஊரும் உள்ளதாகவும் கூறப்படுகிறது.
முக்கியமான குறிப்பு:
"அம்மாசி தானான அரூபத்தாயே அகண்ட பரிபூரணியே யமலை சத்தி" என்ற பாடலை இயற்றியவர் இந்தப் குமராண்டி ஞானியார் சுவாமிகளாக இருக்கக்கூடும் என்று கருதுகிறேன் எனவே இந்தக் கட்டுரையை படிப்போர். இதில் உள்ள இடத்தின் பெயர்கள், ஞானியின் பெயர், அவர் ஜீவசமாதியான கோவில் ஊர், மற்றும் அவர் செய்த அதிசயங்கள் தற்போது அது எந்த ஊர் பகுதியில் உள்ளது. என அந்தப் பகுதியில் வசிப்பவர்கள், அல்லது அறிந்தவர்கள் உறுதி செய்து கமெண்டில் பதிவு செய்து உதவுமாறு அன்போடு கேட்டுக்கொள்கிறேன். நமக்கு நல்லதொரு பாடலை தந்த ஞானியை பற்றி அறிந்து கொள்ளவும் இயன்றால் அவரது ஜீவசமாதிக்குச் சென்று நன்றி சொல்லவும் இந்தக் கட்டுரை நன்றி, வணக்கம்.